相信10個女仔，有10個都一定係好憎生暗瘡，有時冇重要事個陣，皮膚就會皮光肉滑，但永遠都係有重要約會之前，啲暗瘡先至「唔生性」咁爆曬出嚟！仲要唔顯眼嘅部位唔生，啲暗瘡永遠都生係人中、下巴、額頭、鼻頭呢啲想遮都遮唔到嘅位置，就算化咗妝都好，都好明顯見到有一粒粒暗瘡凸起曬，真係好樣衰！
一路以嚟，我都係天生暗瘡肌，人地去行完山、曬完太陽會曬黑、曬紅，我就唔係嘅，過兩日就一定會爆瘡！有時用咗啲滋潤少少嘅護膚品，隔兩日又會焗到全面起粒粒，每次都起碼要搞成個月，啲暗瘡同暗粒先至會慢慢消失......有時其實唔係我特登想生暗瘡囉，但真係避極都避唔到，每次搽護膚品、曬太陽之前都要諗過度過，又擔心用完、玩完會爆瘡，都咪話唔麻煩！
我都試過好多去暗瘡方法架，好似多啲做深層清潔、勤力啲換毛巾同枕頭袋、搽吓暗瘡膏咁樣，網上話有效個啲去暗瘡方法，我幾乎都試過曬，不過做深層清潔做得多，唔知點解啲暗粒爆得仲多，皮膚仲越來越乾添......同埋換完毛巾、枕頭袋，我又唔覺得有咩特別唔同，唔覺得啲暗瘡生得少咗......暗瘡膏就仲衰，我見啲絲打係網上討論區推薦，話有隻暗瘡膏好好用，我咪買嚟試吓囉，點知用完之後，啲暗瘡膏好似抽乾曬我塊面啲水分咁，啲暗瘡未開始謝就已經係咁甩皮！仲一撻撻好似瘀咗咁！心諗：乜啲絲打咁好介紹呀......
後來到我真係頂唔順，忍唔住搵啲朋友呻吓，啲暗瘡真係搞到我好煩囉！有個朋友聽完我講，就話佢朋友個朋友都有暗瘡問題，之後去咗美容院做暗瘡療程，終於搞掂返啲痘痘問題，成個人望落皮光肉滑返曬！我問佢知唔知係邊一間，佢話係一間叫做Acme Beauty嘅奈米光去暗瘡療程，做完之後，皮膚真係好咗好多咁話！
我聽到之後心諗，既然有人去試過，仲話去暗瘡效果幾OK，咁都應該試得過呀~於是我上網搵吓呢間Acme Beauty係咩來歷，雖然網上唔多人介紹，但係一Search暗瘡療程，就即刻彈咗Acme Beauty嘅奈米光去暗瘡療程出嚟，Hmm……我諗可能係Acme Beauty落嘅廣告(？！)，但係我再研一研Acme Beauty呢個奈米光去暗瘡療程，佢地網站又寫得有紋有路，我諗應該都可信掛......？！
我見到Acme Beauty網站有寫，第一次試做奈米光去暗瘡療程，有得用$198嘅試做價體驗，咁呢個價錢又真係幾平嘅，就算做完冇用，都唔算太心痛......我Whatsapp完Acme Beauty嘅客服，約好咗日子同時間，就去Acme Beauty舖頭試做奈米光去暗瘡療程啦，原本以為最差情況都只係冇用，點知原來呢個係「惡夢」嘅開始......
我去到Acme Beauty係旺角嘅舖頭，佢地舖面細細，睇落係行小店路線，我上到去見到reception得一個staff，點知佢又好似好忙咁傾緊電話，於是一開始就已經等咗差唔多10分鐘先至登記到......登記完又再等多10分鐘，先至有另一個職員出嚟，帶咗我入間房到叫我填form，由我上到舖頭到填完form，前前後後都已經用咗半個鐘有多嘅時間......我明可能小店人手唔多，但我明明預約咗架喎，如果你知道個日有客，或者唔夠人手，應該可以早啲安排人手？！
等完一輪，終於有個睇落似顧問嘅Staff嚟坐低follow，佢一坐低就話我想做個部皮秒去斑機要等多一陣，所以入嚟同傾傾先(？！)我即刻截住佢，我話：我book咗做奈米光去暗瘡療程喎，唔係皮秒去斑喎！個位staff呆一呆，原來佢拎錯咗第二個客嘅form，佢先施施然出去換返個file……等到呢到我都已經唔係好gur，係咪因為我上嚟試做，所以係咁樣嘅服務呢？
終於再等到個staff返嚟，佢一開波就同我講，而家Acme Beauty嘅奈米光去暗瘡療程做緊乜乜優惠，可以先買10次再送2次，真係好抵架之類......我連部機都未見到，Acme Beauty嘅職員就已經係咁Sell我買曬全套package，個吓我就真係得啖笑-.-
我咪話：我想試做咗先，再睇吓買唔買喎，而家咁快就要買啦？！Acme Beauty個staff就話，佢地呢個優惠唔係成日有架，所以同我講定，如果想買就要快手啦.......咁我都係堅持我嘅講法，點都要試做咗先決定啦，更何況我呢次試做奈米光去暗瘡療程都有比錢架喎，唔係免費架喎！
然後Acme Beauty個staff就帶咗我去另一間做treatment嘅房，都係普通一張床咁樣，之後就有個治療師入咗嚟，佢同我抹一抹塊面之後，就搵部好似aqua peel嘅機係我塊面到吸吓吸吓，佢話叫做「毛孔吸塵機」，之後搽咗一個精華上面之後，就開始打奈米光，咁打奈米光個陣唔算太痛嘅，有少少好似被橡筋彈嘅感覺咁，最後敷多10分鐘面膜，就做完了~
但係做到最後個step個陣，我就覺得塊面有啲吉吉地，本來都覺得冇乜野，但係Acme Beauty個治療師幫我做完最後個清潔之後，我就照鏡發現塊面有啲紅紅地，仲feel到有少少痕添！我R又唔係，唔R又唔係，都唔知點算，我問Acme Beauty個治療師，佢話呢個係正常情況，詔一陣就會好......
本來Acme Beauty個staff仲想留低我，同我sell吓啲package，但我話我塊面真係好唔舒服，之後就拿拿臨比咗錢就走人......返到屋企之後，我發現塊面啲暗瘡變得更加紅，仲越嚟越痕添！搞到我即刻飛的去睇醫生，醫生話我有啲皮膚敏感，我諗有可能係係Acme Beauty做奈米光去暗瘡療程個陣，某啲產品刺激到掛......咁我唯有當唔好彩，自己冇問清楚啲產品有咩成分啦......
結果係Acme Beauty做完個奈米光去暗瘡療程之後，我足足用咗3個月，啲暗瘡先叫好返少少，起碼冇好似一開始咁又紅又腫，或者係咁爆啲暗粒出嚟......不過雖然啲皮膚叫做穩定返少少，但暗瘡嘅問題始終都要搞搞佢，都唔係話啲暗瘡唔惡化就又由得佢......於是我又開始搵吓有咩去暗瘡嘅好方法~
今次我學精咗，決定唔聽朋友介紹，雖然啲人話通常有人介紹會比較穩陣，但你睇吓我上次去Acme Beauty發生咩事，就知就算係朋友介紹都唔可以盡信，一定要勤力啲自己做功課！
於是我上網search下有冇咩去暗瘡療程，係多人推薦又有口碑，搵搵吓比我搵到一間叫做New Beauty嘅美容院，見到佢地公司官網係搵咗Sammi鄭秀文代言，我當堂醒一醒，對New Beauty嘅信心又加咗分！話曬有大明星代言，質素都應該有返咁上下！
之後我睇到New Beauty有一款叫做「暗瘡分手療程」，個名都幾搞笑，唔通真係可以同暗瘡講「分手」？我睇多一陣，發現佢地網站嘅資料都寫得幾詳細，每個療程都寫清楚係用咩原理、技術，效果等等，仲有注意事項添！另外，最令我suprise嘅係，New Beauty唔只暗瘡分手療程，好多療程都有「免費體驗」！等啲客可以試真啲，先至決定買唔買長期嘅treatment~
我再上網爬咗陣文，見到有人大讚New Beauty嘅暗瘡分手療程，話真係可以杜絕暗瘡復發，同埋好快就令暗瘡凋謝，咁我諗既然係免費，試吓都冇壞呀~最多上到去New Beauty，再問清楚佢地用咩成分嘅護膚品，如果佢地係hard sell嘅，我咪即刻跑走囉~
好啦，咁我就book咗去New Beauty試吓暗瘡分手療程嘅免費體驗，去到New Beauty旺角嘅舖頭，都已經覺得佢地裝修幾grand，同埋佢地都仲有幾間分店，不過旺角就腳，所以我就揀咗嚟旺角做啦~
入咗New Beauty門口大約十分鐘，就已經做好曬登記、填form，好快手已經有位New Beauty嘅美容顧問帶我入間動坐低咗，唔洗「未做機先等半個鐘」~同埋New Beauty個顧問之所以帶我入房，並唔係準備「未做機，先sell機」，而且要幫我用部皮膚分析儀，睇吓皮膚嘅狀態同有咩問題先~
由於我嚟試做New Beauty嘅暗瘡分手療程，所以New Beauty嘅顧問會集中幫我睇返啲暗瘡係咩環境，加上New Beauty嘅顧問會再問多啲我平日嘅護膚同生活習慣，以及皮膚嘅狀況，全程比我嘅感覺都係非常專業，而且佢真係會根據返我嘅暗瘡問題分析返，仲會比吓護膚建議我，都真係學到好多野架！
New Beauty嘅顧問話我嘅暗瘡問題係源自護膚做錯咗，想去暗瘡狂敷深層清潔同搽暗瘡膏唔一定啱，佢話因為我皮膚底層比較乾，所以一定要做好補濕，加上又係敏感肌，更加就唔可以亂用護膚品，最好用啲純天然無添加嘅產品！用錯產品嘅話，隨時會爆瘡又爆暗粒！
咁今次聽咗New Beauty嘅顧問講，之後我都學識點正確護膚~之後佢再講多少少關於暗瘡分手療程嘅details，好似係用咩技術，過程會點做之類，當然啦，我梗係有問清楚New Beauty嘅暗瘡分手療程會唔會有咩刺激性成分，搞到皮膚敏感，好在New Beauty嘅顧問話，暗瘡分手療程用嘅補濕精華都係醫學級，無額外刺激成分，敏感肌都啱做，我聽到就即刻放心曬！
之後New Beauty嘅顧問就帶咗我去治療房，交比治療師做暗瘡分手療程~其實做緊New Beauty暗瘡分手療程個過程，有啲似做緊aqua peel咁，一路吸吓吸吓，一啲都唔痛，仲有少少冰冰涼涼嘅感覺~New Beauty嘅治療師會首先幫我全面吸一次，再係有暗瘡嘅位置重點吸多次，最後敷多個補濕面膜就搞掂~
之後New Beauty嘅美容顧問再帶返我去先前間房，坐低問吓我做完暗瘡分手療程有咩感覺，同埋會再睇多次我嘅皮膚狀況，見到好明顯啲暗瘡退咗紅，同埋膚色亮白咗，另外New Beauty嘅顧問仲會同我講吓做完暗瘡分手療程之後，返屋企之後可以點護理皮膚，都可以幫助啲暗瘡快啲好，同埋冇咁容易留暗瘡印！
我諗大家都好關心，究竟New Beauty會唔會同Acme Beauty一樣，都會係咁Sell客買package呢？真心講句，每間美容院都一定會sell少少，不過差在係hard sell定普通sell，而New Beauty絕對係比普通sell更冇壓力嘅！New Beauty嘅顧問有同我介紹而家join 10次暗瘡分手療程，佢地會做返$1,888/10次嘅優惠，即係話，唔洗$200已經可以做到一次，真係勁划算架！同埋New Beauty嘅顧問講完有咩優惠之後，都唔會強迫我即刻簽單買療程(當然你好有錢好想即場買都可以~)，我話想考慮吓，New Beauty個顧問都冇chur住我，我就真係一毫子都冇拎出嚟就走得lu~
其實而家有好多美容院都會用「免費體驗」呢四隻字做招徠，但永遠上到舖頭就毫係另一回事，一係只係是但求其做幾吓，一係要你加錢upgrade先肯幫你做，查實就同呃人冇分別......雖然之前我去做Acme Beauty奈米光去暗瘡療程個陣，都唔覺得佢地有咁差，但可能真係療程唔啱我啦......所以大家一定要勤力啲做足功課，同埋揀有信譽嘅美容院，好似New Beauty咁，佢地係上市公司，有曬實證同口碑保證，呢次我去試做暗瘡分手療程都真係覺得New Beauty好專業~
如果大家都想快啲搞掂暗瘡嘅問題，可以試吓New Beauty嘅暗瘡分手療程，我放返佢地免費體驗個條link比大家參考吓，有興趣就去試吓啦~
免費體驗：New Beauty 暗瘡分手療程
請先 登入 以發表留言。