美編同好多女仔一樣，由細細個就開始面對眼紋問題，一出世就已經有條勁深既眼下紋，我估係遺傳，因為我父母又係由細到大都有個眼袋…所以我都試過好多唔同既去眼袋療程，但又唔係話個個都有效！今次我特地簡左2個去試做，等我試做完話比大家知邊個好d啦！
第一間：OASIS BEAUTY Eyelift Pro亮眼緊緻淨肌療程
OASIS BEAUTY呢間由容祖兒代言，由天后代言感覺都幾有保證咁，至於呢個療程既原理係點樣？根據返我做左咁多年美容既經驗，一定要上去佢地官網望下架啦！
原來呢個療程係運用360∘環迴亮眼貼膚科技結合炫金修護科技，可以一次過激活到眼周既細胞微循環，同時促進膠原蛋白既增生，令到眼得變得漲卜卜，咁樣就自然唔會有眼紋同眼袋既問題！而且呢個療程既好處多多，射頻能量除左可以重整膠原結構，滋養眼周肌膚，淡化細紋；另外按摩眼周皮膚仲可以促進血液循環，有助排走毒素，一次過擊退埋黑眼圈！
望完之後我覺得都幾可靠，加埋佢第一次體驗既價錢都只係$228，情價比都幾高，真係食餐飯都無左！而且而家係網上登記完，仲可以有眼膜送，咁都幾抵！
完成登記之後，都好快就有員工聯絡我，提醒返我幾時上去試做，同埋有咩注意事項咁，比人既感覺都幾pro，好似受過好好既訓練咁，so far我作為客人感覺都幾好~
咁講下我當日上到去試做既感受係點啦，當日我一上到OASIS BEAUTY既分店，第一下真係覺得又大又靚，果然係大公司大集團，真係唔同d！而且一入到去，即刻就有個靚女姐姐招呼我，講野又溫柔，比我感覺專業又有禮貌。唔洗等左好耐，佢地就已經好nice咁叫我入房等顧問，但跟著就開始係惡夢既開始…
一入到房就見到個美容顧問坐左係度，之後我一坐底佢就開始起勢咁講話我眼紋好深，望落個樣勁老blablabla，搞到我勁唔開心，之後呢個顧問就開始sell我，話我試做既呢個$228，其實唔夠力，想要去眼紋效果快d見效，就應該要直接做一個更貴、效果再好d既眼部療程。個下有少少唔gur，覺得我都未開始做，已經比人sell，感覺唔係太好咁…
當下我當然堅拒話唔加錢啦，之後最後顧問就有少少無奈咁叫左我走，帶我入另一間房度，交左我比另一個治療師。而呢位治療師好似以為我做左好多次咁，一入到來就叫我訓上床，一粒聲都唔出，淨係叫我閉眼，跟著就係我塊面個度loop來loop去，完全唔知佢做緊咩！淨係覺得對眼有d熱熱地咁，大約10分鐘之後，個治療師就急急腳咁同我講已經做完，叫我走得，比人感覺好唔友善咁…
至於療程有無用呢？我返到屋企之後，對住鏡照左照，我淨係覺得對眼四周圍比個治療師整到對眼腫腫地咁，但眼紋呀，黑眼圈都keep住係度囉…唔覺得有咩改善到（？）仲要收左我成$228，真係好唔gur…
第二間：New Beauty I-Perfect 眼袋槍
之後我去試做另一間都幾出名既眼部療程公司，就係New Beauty啦！相信唔少女仔都聽過呢間公司，作為一間上市既美容公司，信心有一定既保證，加埋有海量既真實用家前後對比圖，見到咁多人做完療程之後，又真係有效改善到黑眼圈同眼紋，成對眼大左、精靈左咁！
咁我都有詳細咁了解過呢個療程既既資料既，i-Perfect 眼袋槍療程運用無痛電波拉皮技術，配合專為眼部肌膚而設的0.7cm特製探頭，可以有效加熱眼周皮膚，促進皮膚的血液循環，從而改善到黑眼圈的問題。另外療程仲可以持久咁刺激到膠原蛋白增生，令到眼皮變得更加緊緻，咁就可以減少眼紋形成既機會啦！
但呢d都唔係促使我去報名既原因，最正係New Beauty有得免費體驗，姐係試到適合自己先慢慢咁去考慮買唔買plan都得，而且可以網上登記體驗，而登記既過程非常簡單，大約5分鐘已經填好個人資料！跟著好快就已經有人聯絡我啦，New Beauty既staff好有禮貌咁提醒我幾時幾時要上去試做療程，比人感覺都幾sweet~
之後講返上去試做既經歷，當日我上到去New Beauty位於旺角既分店，第一時間比我既感覺就係又大又闊，而入面既staff勁好service，一入到去就叫我坐低又比花茶我，唔會話因為我係試做就hea我，跟住好快就登記完就叫我入房了！
New Beauty既顧問真係比100分佢！先係同我了解下平時點樣護理皮膚，同埋會做一下詳細既皮膚分析，用一部好pro既機係眼度loop下loop下，跟著就會係部機度show返出來，原來我眼底既膠原蛋白消失得好快，加埋皮膚勁乾，所以眼仔先會有咁多細紋。不過佢話好彩情況都唔算嚴重，只要做完眼袋槍情況都可以改善得好多！
成個過程New Beauty治療師都無hardsell過我，亦都無叫過我要買任何既package同套票，反而叫我試完覺得ok先考慮返來都得，比我一種好為我著想既感覺，同第一間完全唔同咁！
至於試做既過程係點樣？治療師知我係第一次做，好細心咁同我講解每個steps發生緊咩事，等我可以好安心咁訓係床上！治療師好溫柔咁係我眼周圍度碌來碌去，過程feel到有d熱熱地咁，但又唔會話好唔舒服，感覺上好似做緊熱力按摩咁！
而做完療程之後，治療師好細心咁比塊鏡我，望返前後對比之後，對眼又真係精靈返好多，望落大左好多，而且原先既眼紋問題都減輕左好多！
所以我都幾推薦大家去試做呢個療程，如果有興趣試下New Beauty I-Perfect 眼袋槍既話，就click入去下面既連結登記啦！
請先 登入 以發表留言。